20190906. O municipio de Rianxo acollerá ao longo desta fin de semana numerosas actividades culturais. Desta maneira, a partir do venres 6 desenvolverase o Viladomar-máis alá dos muros, un laboratorio de arte pública para a vila que contará coa participación de Cestola na Cachola, Batalla, Doa, Nana e Mutante Creativo. Ademais, a Biblioteca pública municipal albergará, ás 21.00 horas, a presentación do documental Vértice de Versos. Poetas de Galicia adéntrannos na lírica do novo milenio.
O sábado 7 desenvolverase a Minijuadalupe para ofrecer un aperitivo do que serán os festexos da Guadalupe a través de xogos e música, entre outros. Finalmente, o domingo 8, ás 20.00 horas, o Auditorio municipal será escenario da gravación do programa Malo será! emitido pola Televisión de Galicia (TVG).
