Rianxo achégase este venres 6 á poesía galega do novo milenio

02 Setembro 2019

20190902 Neste treito inicial de setembro toca falar de poesía de Rianxo. O motivo? A presentación do documental Vértice de Versos que se celebra venres 6 na Biblioteca Municipal, unha obra audiovisual de Carlos Lorenzo no que participan poetas da nosa terra (incluído o rianxeiro Gonzalo Hermo) achegando a súa visión da “lírica do novo milenio”, ou sexa, de toda esa tradición poética nosa que está sempre converténdose en modernidade, nun apaixonante ciclo permanente e sen fin. A cita, prevista para as 21.00 horas, contará coa presenza do propio Carlos Lorenzo. A actividade vén da man do Concello de Rianxo (Cultura, Xuventude, Educación e Normalización) e a Biblioteca, ao abeiro do programa Ler Conta Moito.

Vértice de Versos, segundo se fai saber na web persoal do director, é unha longametraxe documental na que “se repasa o acontecido desde os anos 90 no universo poético de Galicia”, engadíndose que se trata dun “proxecto audiovisual que presta atención ao valor didáctico que permite coñecer a principal fonte literaria galega”. Entre outras autores e autores, participan o devandito Gonzalo Hermo, Enma Pedreira, Luís González Tosar, Modesto Fraga, Teresa Seara ou Rosalía Fernández, entre outras e outros.

O documental e as diferentes pezas audiovisuais que a xeito de entrevistas (un total de 19) con poetas lle dan forma está a ser un éxito na Rede. Segundo lembra Carlos Lorenzo, xa se reproduciron máis de 3.000 veces a día de hoxe.

Os vídeos forman parte dos múltiples contidos audiovisuais que complementan o documental. Ademais das entrevistas ás persoas (poetas e expertos) que interveñen en Vértice de Versos, existen vídeopoemas e cancións, algúns deles realizados especificamente para a longametraxe.

Outros artigos

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...