20190917. Os Concellos de Arousa Norte sumáronse ás concentracións para expresar a súa repulsa polo triplo feminicidio de Valga acontecido na mañá de onte, cando un veciño de Ames asasinou á súa ex-muller, ex-sogra e ex-cuñada diante dos cativos, no momento en que estes se dispoñían a ir ao colexio.
En Ribeira e Boiro, as xuntanzas populares desenvolvéronse ás portas dos consistorios e, no transcurso das mesmas, gardouse un minuto de silencio na memoria das vítimas. A Pobra fará o propio esta mesma tarde, ás 20.00 horas, no Cantón da Leña; mentres que en Rianxo será mañá, ás 20.00 horas, na praza Castelao.
Tamén a asociación Mulleres en Acción convoca un acto para mañá, mércores 18, ás 20.00 horas, na praza do Concello de Ribeira.
