Mulleres en @cción concéntranse este mércores en Ribeira contra o feminicidio de Valga

17 Setembro 2019

20190917 A Asociación de Mulleres do Barbanza (Mulleres en @cción), ao abeiro da Marcha Mundial das Mulleres, quere expresar a súa absoluta repulsa polo triplo feminicidio cometido onte en Valga e a súa total solidariedade coas vítimas do crime e, por extensión, con todas as mulleres que sofren a día de hoxe a violencia machista en todas as súas manifestacións. A cita será este mércores 18 de setembro, ás 20 horas na praza do Concello de Ribeira. Podemos ver toda a actividade previa á mobilización nas redes sociais, baixo o cancelo #AlertaFeminista, nos espazos de comunicación que a asociación ten no Facebook e máis no Instagram.

O colectivo, a raíz do triplo asasinato de Valga (no que, como lembraremos, un veciño de Ames asasinou á súa ex-muller, á súa ex-sogra e á súa ex-cuñada, na presenza dos seus fillos pequenos, cando aquelas se dispuñan a levalos ao colexio), está a acompañar a actividade de repulsa co seguinte berro colectivo de protesta: “Canta crueldade temos que aturar as mulleres?”

A concentración de Ribeira será unha das moitas mobilizacións que están previstas para mañá na nosa xeografía: este martes 17 pola mañá xa estaban convocadas máis de trinta noutros tantos concellos das catro provincias.

Outros artigos

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...