20190821. Boiro recibiu hoxe o proxecto itinerante Creactivity de Obra Social ‘La Caixa’, dirixido a escolares e familias co obxectivo de aprender a través de disciplinas científico-tecnolóxicas e artísticas.
Durante a xornada de hoxe e mañá, 21 e 22 de agosto, estará instalado na praza de Galicia, diante do Concello, pero o venres 23 repartirase en dous núcleos do municipio. Así, pola mañá estará na praza do Centro Social de Cespón, e pola tarde na rúa Exipto de Abanqueiro.
Ao longo da mañá de hoxe achegáronse uns 30 rapaces e rapazas inscritos no campamento urbano do Concello de Boiro, desfrutando dunha sesión no bus. Alí realizaron un circuíto de 90 minutos con actividades de enxeño, destreza e creatividade. As diversas actividades consisten en desenvolver solucións orixinais para problemas sinxelos utilizando materiais cotiás, ferramentas de baixa e alta tecnoloxía.