Boiro vivirá unha semana cargada de actividades culturais

20 Agosto 2019

20190820. O municipio boirense albergará ao longo desta semana numerosos eventos cos que desfrutar das xornadas do estío. O primeiro é Creactivity, o cal se desenvolverá os días 21, 22 e 23 de agosto na praza de Galicia, diante do Consistorio. Trátase dun proxecto itinerante que forma parte dun programa de Obra Social ‘La Caixa’, mediante un autobús con actividades que permiten aprender disciplinas científico-tecnolóxicas e artísticas dirixidas a escolares e familias.

Por outra banda, a praia de Barraña servirá de escenario este xoves 22, ás 20.00 horas, para o espectáculo Dona Barriga Verde a cargo de Larraitz Urruzola. Trátase dunha obra de monicreques que integra elementos do noso Barriga Verde con préstamos doutras tradicións europeas. Así, os paisanos, o demo ou a morte atópanse na escena co crocodilo ou o bebé habituais do Punch Inglés. Nesta ocasión a protagonista é unha muller, desafiando as convencións de xénero.

Así mesmo, a praza de Galicia acollerá o venres 23 varias funcións de maxia e ilusionismo a cargo do Mago Antón acompañado de Kiko Pastur. Os horarios serán ás 13.00, 18.00, 19.00, 20.00, 21.00 e 22.00 horas. Cómpre sinalar que é preciso coller as entradas media hora antes de cada espectáculo no propio emprazamento.

Ademais, o sábado 24, ás 11.30 horas, terá lugar na biblioteca municipal situada na Casa da Cultura unha actividade dirixida a cativos de 5 a 8 anos, introducíndoos no eido científico a través de experimentos. As prazas son limitadas, polo que é preciso inscrición previa.

Todas estas citas atópanse enmarcadas dentro da programación da axenda cultural promovida polo Concello.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...