III edición da Travesía a Nado – Illa de Bensa

13 Agosto 2019

20190813.- A III edición da Travesía a Nado – Illa de Bensa vaise celebrar o vindeiro xoves día 15, ás 17:00 horas na praia de Carragueiros. Unha actividade que organiza o Concello de Boiro xunto co Club de Natación Boiro e a Federación Galega de Natación. Á presentación, celebrada esta mañá na Sala de Xuntas do Concello de Boiro, acudiu o alcalde, José Ramón Romero, o concelleiro de deportes, Marcos Fajardo, o presidente do Club de Natación Boiro, José Manuel Romero, e outros membros do club.

Esta proba está integrada dentro do XVI circuíto de Augas Abertas Fegan. Dende o Club de Natación Boiro agardan que a proba sexa un éxito, tal e como declarou o presidente, José Manuel Romero: “vai ser a terceira edición pero a primeira vez que a proba está federada, polo que contamos chegar aos 180 inscritos, o triplo do ano pasado”

A proba vai contar con tres percorridos distintos, un de 3000 metros, outro de 1000 metros e un terceiro de 400 metros. O concelleiro de deportes, Marcos Fajardo, dixo que “ao ter percorridos con distintas lonxitudes pode anotarse persoas de idades moi diversas e participar moita xente, ademais que as augas da praia de Carragueiros son tranquilas e as previsións meteorolóxicas para o xoves son boas”.

O alcalde, José Ramón Romero dixo que “despois do éxito que tiveron as edicións anteriores, agardamos que este ano se repita e esta proba se consolide non noso municipio”. Agradeceu tamén ao Club de Natación por organizar actividades coma esta e fixo un convite a todo o mundo para este xoves xa que “a Travesía a Nado vaise realizar nun lugar moi bonito, que é a Illa de Bensa, polo que animamos a todos a participar e ver a travesía e así coñecer tamén o noso litoral”.

Presentación da III edición da Travesía a Nado – Illa de Bensa

Outros artigos

Boiro presume de tecido cultural e asociativo

O Concello de Boiro organizou este venres o I Encontro do Tecido Cultural Boirense, unha xuntanza destinada a poñer en valor o labor das entidades, asociacións culturais e comisións de festas do municipio, ademais de establecer as bases para unha programación conxunta...

+

“Comunidade de montes” – José Manuel Pena

As Comunidades de montes desenvolven un importante labor social nos espazos rurais, ademais de ser unhas ferramentas comunitarias e veciñais fundamentais para afrontar a realización de diferentes melloras nas parroquias. Para iso necesítase realizar unha boa xestión e...

+

Publicidade

Revista en papel

Opinión