Corrubedo festexou a súa patroa (e os seus once séculos de historia)

16 Agosto 2019

20190816 Este 15 de agosto, Día da Asunción, foi unha festa completa para a parroquia ribeirense de Corrubedo, que festexou a súa patroa e que, ademais, dáse a circunstancia de que está a celebrar estes meses os seus once séculos de historia. A coincidencia das dúas conmemoracións, xunto co feito de estarmos en verán e de que o bo tempo se impuxera, fixo que a xornada fose especialmente festiva, concorrida e animada. A vertente relixiosa veu dada pola misa solemne na honra da virxe ao mediodía. A vertente deportiva materializouse coa carreira popular Corrubedo 11 Séculos, da que dimos conta (informando das e dos gañadores) neste medio, onte mesmo.

Polo que se refire á vertente lúdica da celebración, houbo un menú variado de actividades, todas elas organizadas pola asociación cultural Corrubedo 11 Séculos, en colaboración co Concello: a partir das 12.00 comezou un percorrido familiar e turístico en tren por algunhas das rúas principais da vila mariñeira (Delicias, Bos Aires dende Teira até a contorna da praia de Balieiros), e pola tarde houbo máis percorridos en tren, inchables e actividades para a rapazada no porto. Para rematar, celebrouse na igrexa un concorrido concerto de habaneiras, a cargo do Coro Parroquial de Corrubedo, que interpretou temas coñecidos (pero non por iso menos valorados) como Habanera de mi vida, De colores, El abanico ou O voso galo.

Outros artigos

Adxudicada a pavimentación da rúa Lorenzo Mariño de Aguiño

O Concello de Ribeira vén de adxudicar a pavimentación da rúa Lorenzo Mariño na parroquia de Aguiño, cun orzamento de 132.225 euros e un prazo de execución de 2 meses. Segundo explican fontes do Consistorio, a rúa Francisco Lorenzo Mariño é unha das vías con mais...

+

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...