Adiante a reforma do Parque da Concordia en Ribeira

02 Agosto 2019

20190802.- Trece son as propostas interesadas nas obras de reordenación do paseo das Carolinas e do entorno do Parque da Concordia na Avenida García Bayón. Onte mesmo a mesa de contratación abriu o primeiro dos sobres no proceso para adxudicar esta estratéxica actuación que dá continuidade á que está a piques de rematar na avenida do Malecón, culminando a remodelación da fachada marítima da cidade. Cómpre lembrar que Portos de Galicia asumíu o financiamento desta obra orzamentada en 578.758 euros, IVE incluído,en virtude do acordo rubricado polo presidente desta entidade, José JuanDurán, e do alcalde Manuel Ruiz no pasado mes de abril: un acordo que encarga que sexa o propio Concello o que licite a actuación ademais de elaborar o correspondente proxecto técnico.De acordo con este documento, preténdese dar prioridade ao peón sobre o tráfico rodado conferindo a este entorno o carácter urbano que lles corresponde. Neste sentido, habilitarase un único carril de circulación en dirección saída, ampliarase a xardineira central e, no que atinxe á parte pegada ás casas, reordenarase esa zona dispoñendo aparcamentos en batería e ampliando o espazo de uso dos viandantes.

Ademais pola banda pegada ao porto crearase un carril bici que una o existente no Touro-Malecón co do paseo de Coroso, de tal xeito que toda a banda litoral da cidade sexa percorrible en bicicleta.

Outros artigos

Publicidade

Revista en papel

Opinión

“Portas xiratorias, interese público”. José Luís Calo

“Portas xiratorias, interese público”. José Luís Calo

España ten moito que mellorar na loita contra a corrupción. O Grupo de Estadoscontra a Corrupción do Consello de Europa (GRECO) publicou dous informes deseguimento que avalían o cumprimento por parte de España das súasrecomendacións para previr a corrupción. O “GRECO”...