20190706.- Un acusado será xulgado o próximo venres en Santiago por un incidente acontecido en xuño de 2016 cando orixinou un altercado na Confraría da Pobra de Caramiñal para que lle retirasen unha sanción administrativa.
O individuo agrediu a varias persoas entre elas a secretaria do depósito a quen dunha puñada a deixou cega dun ollo o rebentarlle o globo ocular . A fiscalía solicita 9 anos de cárcere e 124.000 euros de indemnización para a secretaria. Segundo relata o escrito da fiscalía o home presentouse na confraría para ameazar ao vixiante con que ía ir a por el se non lle retiraba unha sanción administrativa de 500 euros. Cando chegou o vixiante discutiron sobre a multa e finalmente o acusado empuxouno e agrediuno con patadas. Ante a situación presentouse o biólogo do depósito que se interpuxo entre os dous e conseguiu levar ao agresor ata a porta si ben se soltou e foi entón cando o procesado se botou sobre o guardapesca lanzando unha puñada que lle rozou a parte inferior do beizo, pero que impactou no rostro da secretaria.
A muller empezou a queixarse dunha forte dor no ollo dereito que sangraba abundantemente. Como consecuencia da agresión, a secretaria sufriu unha perforación no ollo que necesitou tratamento cirúrxico e mais de 300 días de curación deixandolle secuelas de perda de visión e con incapacidade parcial para a súa actividade profesional.
