20190731 Francisco José López Varona, máis coñecido como Pancho Varona, estará este mes de agosto en Boiro, na Pousada da Galiza Imaxinaria, para ofrecer un repaso musical polo seu importante legado artístico, feito a título persoal e, tamén, a través das súas múltiples colaboracións con xigantes da música como Joaquín Sabina, Ana Belén ou Estopa.
O concerto de Boiro, previsto para este 9 de agosto as 23 horas (con entrada anticipada a 14 euros), forma parte dunha xira, a xira Ruta 52, que está a levar ao músico madrileño pola totalidade das provincias da xeografía estatal (e as dúas cidades autónomas).
O itinerario, que arrincou o 6 de decembro de 2018, é unha volta musical a España, facendo recaladas en clubs de pequeno e mediano tamaño, íntimos e recollidos, e que non só inclúen capitais de provincia, senón tamén cidades e xeografías que non adoitan a copar grandes titulares nos medios de comunicación nin as follas de ruta das máis multitudinarias xiras musicais. Musicalmente, os concertos da Ruta 52 inclúen múltiples temas que Pancho Varona compuxo con artistas como Joaquín Sabina ou para Luz Casal, Miguel Ríos, Ana Belén, Christina Rosenvinge, Ana Torroja ou Hombres G.
