20190715. A V Carreira Nocturna Jealsa congregou a uns 350 participantes, preto da metade nenos, na noite do sábado. Este evento deportivo constou dun circuíto urbano semellante ao de edicións anteriores e cun percorrido de 8 quilómetros 200 metros na categoría absoluta. Os nenos de 4 a 6 anos recorreron 100 metros, 500 para os de 7 a 9, 1.000 para os de 10 a 12, 1.500 para os de 13 a 15 e 1.500 para os de 16 a 17.
A saída na categoría infantil tivo lugar ás 21.00 horas e na categoría absoluta ás 23.00 horas. O podio feminino desta última estivo composto por María Quintenla, seguida de Elena Matalobos e Verónica do Pazo. Pola súa parte, Esteban Toucedo, Víctor González Horta e Juan Carlos Rodríguez acadaron o masculino.
