Este domingo celebrarase a XVI Bandeira de Traiñeiras Concello de Rianxo

24 Xullo 2019

20190724. O Curral do Marqués acolleu hoxe a presentación da XVI Bandeira de Traiñeiras Concello de Rianxo. A proba arrancará este domingo 28, ás 12.00 horas, co inicio da regata e saída da primeira quenda. Ás 13.00 horas procederase a concederlle a Bandeira ao vencedor, entrega que se realizará no mar.

O alcalde rianxeiro, Adolfo Muíños, incidiu na importancia que o remo ten na vila, destacando o apoio que recibe o Club de Remo por parte do Cabido.

O presidente do Club de Remo Rianxo, Ramón Vicente, explicou que o percorrido será de 5.556 metros, repartidos en catro longos, con tres ciabogas e en liña. Ademais, a proba estará composta por tres quendas e a clasificación final establécese por tempos, gañando a Bandeira a embarcación que acade o mellor dato, independentemente da quenda.

Cabe destacar que o Club de Remo Rianxo contará cunha nova traíña, unha amilibia, coa cal disputará a regata e que foi cedida polo Concello para mellorar a calidade dos adestramentos e competicións.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...