Cabo de Cruz acollerá este xoves o Campionato Galego de Traíñas

22 Xullo 2019

20190722. O Campionato Galego de Traíñas 2019 celebrarase en Cabo de Cruz o xoves, 25 de xullo, a partir das 11.00 horas. Deste xeito, é a sexta edición para a categoría feminina e a trixésimo sexta para a masculina.

Daniel Vázquez, presidente do Club de Remo Cabo de Cruz, indicou que a proba realizarase no peirao de Cabo de Cruz, con 4 longos e en liña. O campo está orientado de norte a sur e en liña paralela ao novo porto. Como dato destacable, este ano non dispoñen das instalacións pois estase co proxecto da nova sede, polo que “se trasladará a loxística dos remeiros e desprazamento ata a nova sede que temos provisional en Curbela.”

José Manuel Seijas, presidente da Federación Galega de Remo, apuntou que na modalidade absoluta feminina participarán 7 clubs, mentres que na absoluta masculina serán 16. Tamén sinalou que “os dous mellores clasificados por autonomía acceden ao Campionato de España” que se celebrará en Meira-Moraña o 3 e 4 de agosto.

José Luis Ruiz, tenente de alcalde de Boiro, expresou o seu agradecemento ao Club de Remo Cabo de Cruz e á Federación Galega de Remo pola organización deste campionato. Pola súa parte, o Concello boirense “ten previsto encargarse da seguridade e da organización do tráfico.” Así mesmo, agradeceu o entendemento e predisposición dos veciños que residen preto do lugar onde se celebrará a proba. Ademais, desexoulle “aos anfitrións, ao equipo da casa, o mellor dos resultados en ámbalas probas.” Por último, manifestou que o equipo de goberno actual “segue con interese as obras do novo espazo dedicado ao Club de Remo Cabo de Cruz, proxecto que comezou co antigo equipo de goberno, pero nós seguimos moi de preto como se están a desenvolver esas obras. Tanto pola nosa parte coma pola parte da empresa estamos intentando adiantar os prazos todo o que podemos. E que non estea hoxe aquí facendo esta presentación o propio alcalde é porque se atopa neste momento facendo xestións encamiñadas a poder acelerar os prazos de construción dese ansioso edificio.”

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...