No escenario político da Pobra do Caramiñal non houbo sorpresas. Xosé Lois Piñeiro García, de Nós Pobra, acadou o bastón de mando co apoio do seu partido e do PSdeG-PSOE liderado por Patricia Lojo Nine. Pola súa parte, Ramiro Ouviña Ouviña, do BNG, e Manuel Durán Guillán, do PP, postuláronse á alcaldía e obtiveron o apoio das súas respectivas formacións.
A pesar de que non chegou por unha acta á maioría absoluta estipulada en 7, Xosé Lois Piñeiro foi proclamado alcalde ao ser o cabeza de lista da forza máis votada nas eleccións do pasado mes de maio. Así, agradeceu todo o apoio recibido tanto por parte da xente coma dos seus compañeiros da agrupación, así como dos socialistas pobrenses cos que formará un goberno de coalición.
Acadan a súa acta de concelleiros e, polo tanto, pasan a formar parte da corporación municipal: Rosario Varela Fernández, José Carlos Vidal Suárez, María Genoveva Hermo Santos e José Andrés Lojo Fernández, de Nós Pobra; Manuel Durán Guillán, Francisco Javier Otero Maceiras, Jesús Dieste Buceta, María González Santos e Mª Beatriz Martínez Outeiral, do PP; Ramiro Ouviña Ouviña e Mª Cristina Andrade González, do BNG; e, Patricia Lojo Nine, do PSdeG-PSOE.
