20190625. O alcalde de Boiro, José Ramón Romero, acudiu onte a Sanxenxo para recoller as nove bandeiras azuis coas que contará o municipio. As distincións correspóndense coas sete praias de Barraña, Carragueiros, Mañóns, A Retorta, Barraña-Saltiño, Ladeira do Chazo e Piñeirón; así como cun sendeiro e un centro social.
O concello lidera así a clasificación provincial de areais que contan con este recoñecemento, ademais das tres Q de Calidad Turística.
O presidente da Xunta, Alberto Núñez Feijóo, presidiu o acto de entrega dos 156 distintivos da comunidade, onde anunciou que Galicia contará cunha Lei de Patrimonio natural, a cal se debaterá hoxe no Parlamento, “para protexer a súa riqueza natural e a biodiversidade e que contribuirá a facer unha Galicia máis verde.”
