20190620. O concello rianxeiro converterase do 21 ao 23 de xuño nun fervedoiro cultural grazas a unha ampla programación. O venres, 21 de xuño, celebrarase o ‘90 Aniversario da escola Rosalía de Castro de Taragoña’ organizado pola escola Rosalía de Castro, as ‘Festas do San Xoán de Buía-Araño’ organizadas pola Asociación Cultural A Carballeira de Baia e a ‘Festa fin de curso’ organizada pola Asociación Rock in Rian.
O sábado, 22 de xuño, terá lugar a ‘I xornada medioambiental’ organizada pola Asociación Ondiñas Mainas, o ‘90 Aniversario da escola Rosalía de Castro de Taragoña’ organizado pola escola Rosalía de Castro, as ‘Festas do San Xoán de Buía-Araño’ organizadas pola Asociación Cultural A Carballeira de Baia, a ‘Mostra de teatro’ organizada pola Escola de Teatro Airiños coas obras Xogamos a …? de Teatrinclis de Airiños e Unha de contos descontados do Grupo das 5.30, e o ‘Serán de Rianxo’ organizado pola Asociación Vai de Roda.
O domingo, 23 de xuño, desfrutarase do ‘90 Aniversario da escola Rosalía de Castro de Taragoña’ organizado pola escola Rosalía de Castro, a ‘Festa do Santísimo Sacramento’ coa confección das tradicionais alfombras florais organizada pola comisión de festas e o ‘Concerto de fin de curso’ das aulas musicais da Uned Senior ás 18.30 horas no Centro Social do Liceo de Rianxo.
