Outro dos municipios onde non houbo sorpresas durante a celebración do pleno de investidura foi o de Rianxo. Adolfo Muíños, do BNG, continuará ostentando o bastón de mando outra lexislatura, sumada ás dúas anteriores. A súa candidatura contou co apoio da súa formación e dos socialistas encabezados por María del Carmen Figueira, mentres que o resto de grupos optaron por non presentar aspirante á alcaldía.
Tal e como anunciaran, BNG e PSdeG-PSOE firmaron un pacto, polo cal formarán un goberno de coalición acadando a estabilidade que lles proporciona a obtención da maioría absoluta.
A corporación municipal queda así integrada polos concelleiros Adelina Ces Quintáns, Xusto Xosé Ordóñez Figueira, Hadriana Ordóñez Otero, Tobías Betanzos Rego e Raquel García Abuín, do BNG; Germán Allut Vidal, Mariano José Moares Rial, Francisco Rubio Vicente e Alicia Carou Romero, do PP; María del Carmen Figueira Ares, Francisco Javier García Ares, María José Tembra Muñiz e Rosa Ana García Figueira, do PSdeG-PSOE; Julián Bustelo Abuín e Julio Alcalde Hermo, de Rianxo en Común; e, Sara Resúa Patiño, de Ciudadanos.
