Procedentes en boa medida do grupo local do Partido Popular, os integrantes de Ciudadanos de Rianxo prometen mellorar o día a día da veciñanza, poñendo a calidade de vida das rianxeiras e rianxeiros no seu punto de mira por enriba de calquera outro proxecto. A súa batería de propostas céntrase tamén nos negocios e nas empresas (con medidas para dinamizar os sectores) e en mellorar as infraestruturas e servizos para Rianxo e para as parroquias. Tamén porán o foco en reactivar o polígono industrial, a gardería municipal e o proxecto de centro de día.
Entre outros integrantes da lista, Sara Resúa acode xunto con José Manuel Comojo Varela, José Collazo Novoa, Mª Vanesa Martínez Durán, José Manuel Gómez Vicente, Rosana Pedrouzo Blanco, José Manuel Castillo Muñiz, José Torres Alcalde, Mª Agüeiro Patiño e Daniel Torres Fernández.
