O BNG de Boiro, comandado por Raquel Suárez, está integrado por representantes de todo tipo de colectivos e frontes sociais sociais, culturais, deportivas e feministas. Segundo fixo saber a líder do grupo local do partido, o BNG de Boiro quere consolidar un Concello de diálogo coas veciñas e veciños, que busca facer revivir a vila e as parroquias, que pon o foco nos sectores económicos tradicionais (o mar, principalmente) e que non deixa de lado a innovación, senón que tentará potenciala xunto co emprendemento baseado no coñecemento e nas ideas novas.
Raquel naceu en Boiro o 17 de maio de 1981. Encabezou a candidatura do BNG para as eleccións municipais de 2015 e en 2016 foi elixida membro da executiva do devandito partido.
Estes son os dez primeiros da listaxe do grupo do BNG de Boiro: Raquel Suárez Regades, Carlos Blanco Ansoar, Santos Saborido Chouza, Francisco Xavier Santamaría Branco, Rebeca Romero Viturro, María Teresa Silva Fajardo, Ricardo Vázquez Regueiro, Raquel Martínez Bugarín, José Manuel Ferreira Guerra e Emma Chao Blanco.
