O Concello de Rianxo e a Fundación Castelao homenaxearon este sábado 27 de xaneiro a Alfonso Daniel Manuel Rodríguez Castelao cunha ofrenda floral no busto do Paseo da Ribeira.
O alcalde rianxeiro, Julián Bustelo, chamou a “reivindicar, difundir e profundizar” no coñecemento da obra de Castelao “fronte aos discursos do odio, que sinalan as minorías e rexeitan da diversidade”, sinalou.
A vertente musical do tributo contou coa vertente musical de Río do Anxo.
Nos tributos a Castelao desta pasada fin de semana desenvolveu un importante papel o Partido Galeguista.
A ofrenda encadrouse no programa de Actos Castelao, impulsado polo Concello e outras entidades (a Fundación Castelao, Barbantia, o Museo do Gravado de Ribeira) destinadas a honrar ao ilustre escritor, artista e político rianxeiro.
Así, ademais da ofrenda floral este venres presentouse no Auditorio de Rianxo O libro secreto da filosofía de José Carou Rey, coas intervencións da ilustradora da obra, Sara Valcárcel; a profesora e tradutora Margarita Fernández Gómez; o escritor e membro de Barbantia, X. Ricardo Losada; o director de Producións da Editorial Galaxia,, Xesús Domínguez; o concelleiro de Educación e Cultura do Concello de Rianxo, Julio Alcalde e o propio autor.
Ademais, mantense aberta (até o 2 de febreiro no Auditorio de Rianxo) a Exposición XVII Premio Jesús Núñez de Gravado da Deputación da Coruña, abeirada tamén aos Actos Castelao.
Como dixemos, os Actos Castelao foron organizados polo Concello de Rianxo xunto coa colaboración da Deputación da Coruña, o Museo da Artes do Gravado á Estampa Dixital do Concello de Ribeira, a Asociación Barbantia, a Fundación Castelao, a Escola de Música de Rianxo, a Editorial Galaxia e La Voz de Galicia.
