Unha cantidade importante da xente da nosa comarca vai rematar este ano facendo deporte solidario, máis concretamente correndo nas carreiras de San Silvestre. A de Rianxo xa se celebrou este domingo a primeira hora para para a de Noia aínda estamos a tempo de participar. A de Muros foi este sábado.
En Noia
A nova edición do San Silvestre en Noia será ás 17:00 horas. Coma cada ano, recollerense alimentos para Cáritas Diocesana de Noia. O trazado será un trazado accesíbel de tres quilómetros para permitir a máxima participación (e a máxima cantidade de doazóns).
Con todo, segundo informou a organización, tanto se temos previsto correr os 3 quilómetros da proba, coma se (por calquera circunstancia) preferimos non facelo, é posíbel colaborar con esta iniciativa solidaria do Concello de Noia e do Club Atletismo de Noia (CAN), facendo contribucións en forma de produtos alimentación básicos ou alimentos típicos navideños.
Non se require inscrición previa.
Haberá trofeo para a gañadora ou o gañador.
O Concello agradeceu a colaboración, unha vez máis, de Protección Civil de Noia, Policía Local Noia e de Cruz Vermella Noia.
En Rianxo
BeOne Rianxo Piscina Municipal de Rianxo organiza este 31 unha nova edición da Andaina San Silvestre Rianxo. Será a partir das 10.00 horas. A distancia a percorrer será de 12 quilómetros. Coas reservas achegaranse aos participantes unha camiseta de Sal Silvestre e unha gorra de Nadal.
En Muros
Muros tamén corre para despedir do ano. Foi este 30 de decembro coa II San Silvestre Muradana, con saída da praza do Mercado.
