O alcalde de Ribeira, Luís Pérez, e o concelleiro de Servizos Sociais, Vicente Mariño, asinaron este venres 21 de decembro novos convenios de colaboración con entidades locais para a prestación de servizos sociais. As entidades que colaboran co Concello son a Asociación Ambar, co proxecto Vivindo na comunidade; Amicos, co proxecto Servizo de atención pedagóxica; Cáritas Diocesana de
Santiago de Compostela- Parroquia de Ribeira, co proxecto Atención a familias vulnerábeis; Cruz Vermella Ribeira, co proxecto Anima-T; Faibén, a Fundación de apoio á infancia e ao benestar, co Proxecto Contigo; Renacer; a Asociación antidroga co proxecto Prevención das drogodependencias; e A Creba, Asociación pro saúde mental, co proxecto Programa de transporte de usuarios.
O alcalde destacou que este ano o Concello “incrementa en 400 euros a dotación anual para cada entidade” e agradeceu asimesmo “o labor esencial que desempeñan as organizacións solidarias na construción dunha sociedade máis xusta e equitativa”. Luís Pérez reafirmou tamén o seu compromiso con tódalas entidades para seguir colaborando e incrementando a dotación orzamentaria nos vindeiros anos co propósito de “mellorar os servizos sociais e contribuir ao benestar de toda a veciñanza de Ribeira.”
Pola súa parte, o tenente de alcalde Vicente Mariño, agradeceu a importante traballo de tódalas asociacións e destacou a importancia de “adaptar o investimento en Servizos Sociais para asegurar a calidade e eficacia dos mesmos”.
