O Concello de Boiro propón para o seu debate e aprobación no vindeiro Pleno a Ordenanza de circulación co obxectivo de regular a
mobilidade e o estacionamento no municipio. O texto contempla a regulación de zonas de estacionamento regulado como a zona azul ou das reservas de espazo público como o carga e descarga.
O texto ten como finalidade facer fronte á crecente carencia de espazo público de estacionamento, á proliferación de novos sistemas de mobilidade persoal e que deben encaixarse mediante normativa municipal e tamén ao predominio do peón respecto do vehículo nos núcleos máis urbanos. Entre outras cousas, con esta normativa pretende regularse as zonas azuis e express, ás prohibicións e restricións circulaorias e tamén regulacións specíficas como as zonas peonís ou as ocupacións de vía pública.
O Concello de Boiro ten como obxectivo mellorar os servizos e a mobilidade nos distintos núcleos de poboación e, con esta ordenanza, o que se pretende é regular a circulación nas vías do termo municipal, especialmente a regulación do estacionamento e ocupacións de vía pública. “Nos últimos anos fixemos un importante traballo de ordenación dos espazos urbanos, dotándoos de máis espazos de aparcamento. Con este regulamento imos poñer en marcha a limitación de tempo de estacionamento tan demandada polos comerciantes e persoas usuarias”, afirma o alcalde.
