O ministro de Agricultura, Pesca e Alimentación preside o último Consello de Ministros de Agricultura e Pesca baixo a presidencia española do Consello da Unión Europea que se celebra o 10 e 11 de decembro en Bruxelas.
Neste Consello, o ministro español dará a coñecer as conclusións dos traballos realizados no segundo semestre do ano, destinados a preparar a agricultura e a pesca comunitarias para que se atopen nas mellores condicións posibles para abordar os seus retos de futuro.
Un dos asuntos esperados é a aprobación dunha iniciativa española que tenta fixar a partir de 2024 un sistema de totales admisibles de capturas (TAC) de carácter plurianual nalgunhas pesqueiras -no canto de anual, como ata o de agora-.
Esta era una das prioridades que España tiña fixadas na súa presidencia para dotar de maior estabilidade empresarial á frota comunitaria, e longamente reclamada polo sector ñlesqwueiro galego.
En concreto, os ministros teñen previsto aprobar as posibilidades de pesca no Atlántico e os mares do Norte, Mediterráneo e Negro para 2024, así como as plurianuais dalgunhas especies para o período 2024-2026 no Atlántico. O estabelecemento de cotas para varios anos é una iniciativa da Presidencia española para dotar de maior estabilidade a actividade pesqueira.
En materia de agricultura, está previsto un debate sobre a situación do mercado co foco posto nos efectos da guerra de Ucraína, así como o intercambio de impresións sobre o primeiro ano de aplicación dos plans estratéxicos da Polítíca Agraria Común (PAC) a partir da información facilitada pola Comisión e a Presidencia española.
O Consello tentará acadar un enfoque xeral ou posición común sobre outra das prioridades españolas deste segundo semestre: a proposta de regulamento sobre as novas técnicas xenómicas (NTX) e un informe de progreso sobre a proposta de regulamento de uso sostible de produtos fitosanitarios.
A Presidencia española informará tamén aos ministros sobre os traballos realizados para actualizar as denominadas “diretivas do almorzo”, que fai referencia a un conxunto de diretivas que regulan produtos como o mel, os zumes de froitas e o leite deshidratado. Presentará asimesmo a Presidencia española un informe do progreso acadado durante este semestre sobre os regulamentos relativos á produción e comercialización de material vexetal e forestal, e a nova proposta lexislativa sobre o benestar animal e sobre un marco de seguemento para a resiliencia dos bosques europeos.
