Non hubo sorpresa: Tal e como se agardaba, o pleno do Senado aprobou este martes o veto defendido polo PP cos votos de VOX, UPN e AHI á proposición de Lei de Amnistía cuxo texto -en caso de aprobación- afectará esencialmente aos implicados no “procés” independentista de Cataluña.
Malia o rexeitamento inicial da devandita proposición no Senado -onde o PP ten maioría- a Lei volverá ao Congreso dos Deputados para a súa segura aprobación cos votos dos deputados do PSOE e os seus apoios na Cámara baixa. Deste xeito, a aprobación da Lei a finais deste mes poderá rexistrar a maioría absoluta do Congreso.
Na votación do dictame da Lei de Amnistìa deste martes foron 149 os apoios ao veto proposto polo PP, por 113 en contra.
Para o PP, VOX e UPN, a de Amnistía é unha Lei inconstitucional e o pagamento da peaxe que Pedro Sánchez e os independentistas deben asumir para seguiren na Moncloa, mentres que o PSOE e os partidos que o apoian entenden que se trata dunha especie de baño de realidade na convivencia e a normalización polìtica en Cataluña.
Un veto, o do PP, VOX e UPN que se diluirá xusto cando uns e outros partidos representados no Parlamento catalán remoen o resultado das eleccións autonómicas que evidencian unha baixa máis que notable do voto independentista.
Para o PSOE o resultado electoral do domingo é un aval á medida de gracia á que deu pulo o Goberno, mentres que o PP fala de “obscenidade” e “fraude democrática”.
O veto no Senado á Lei de Amnistía, acadado nun pleno non exento de tensión, levará esta novamente á Cámara Baixa coa vista posta no que Junts e ERC podan decidir de cara aos seus apoios posteriores ao Goberno de Pedro Sánchez.
