Dodro vai celebrar no ecuador deste mes de decembro a fin de semana das mulleres. Serán, segundo informou o Concello, dúas xornadas para intercambiar experiencias, estar xuntas, saír da rutina e desfrutar do Iberik Aguas Santas Balneario en Pantón, en plena Ribeira Sacra lucense.
A fin de semana está destinada a mulleres maiores de idade empadroadas no concello de Dodro. Con saída o 16 de decembro as oito e media da mañá, a carón do Consistorio, e volta o día 17 as nove e media da noite (aproximadamente), tamén no Consistorio.
As persoas interesadas poden inscribirse (no Rexistro Xeral do Concello ou por calquera outro medio contemplado na Lei 39/2015 do procedemento administrativo común das administracións públicas, anexando o xustificante de pago no que se deberá facer referencia á actividade no concepto) xa e consultar toda a información no departamento de Servizos Sociais do Concello, en Tallós 56, de 9:00 a 14:00 horas, ou por teléfono no 9818025466.
O prezo é de 25 euros por persoa.
Organiza o Departamento de Servizos Sociais do Concello de Dodro.
