A Asociación Rianxeira de Empresarios (ARE) puxo en marcha a campaña Súmate ao Nadal Solidario, unha iniciativa destinada a axudar a Cáritas no seu intenso labor en favor dos máis desfavorecidos da nosa comunidade. “Con esta campaña queremos unir esforzos para levar esperanza e axuda a aqueles que máis o precisan nestas datas tan sinaladas”, explica a ARE, engadindo que “convidamos a toda a comunidade a colaborar doando alimentos non perecedoiros, produtos de hixiene, aseo e limpeza de xeito moi fácil”. Só hai que mercar nos establecementos colaboradores os produtos que desexemos doar e deixalos nos lugares habilitados para tal feito nos mesmos.
A recollida destes produtos comezou o 1 de decembro e seguirá activa hasta o día 18. O obxectivo é contribuír con Cáritas ao apoio das familias e persoas que, especialmente nesta época do ano, requiren axuda e solidariedade.
Os establecementos colaboradores son:
Eroski
Día
Quenxo Claudio
Mercamas Rianxo
Mercamas Taragoña
Aliprox (Taragoña)
Autoservizo Fina (Asados)
Spar Sara (O Pazo)
Cambeses
Europunto
Herbodietética Chaira
Agroikos (Taragoña)
A ARE agradece de antemán a colaboración de todos os implicados nesta campaña e “o seu compromiso co benestar da nosa comunidade”.
