A Carreira Popular Mar de Boiro memorial a Pepe Buceta reunirá este domingo en Boiro a 700 corredores

01 Decembro 2023

O Concello de Boiro celebra este domingo 3 de decembro a XVIII edición da Carreira Popular Mar de Boiro (16º memorial a Pepe Buceta), que congregará a 700 corredores e corredoras nas distintas categorías das tres carreiras que se van celebrar.

Fontes do Concello explicaron que para o correcto desenvolvemento da proba o domingo pola mañá haberá “restricións de estacionamento o o cortes puntuais de algunhas rúas para o paso dos corredores”. Así, non estará permitido o aparcamento na rúa Principal, ao longo da praza de Galicia, para a instalación da liña de saída; e tampouco se poderá estacionar na mediana da avenida da Constitución entre o cruce da Boliña e a rotonda de Espiñeira.

Dende o Consistorio explican tamén que durante a celebración da proba produciranse cortes puntuais de tráfico para o paso do pelotón da categoría xeral que sairá ás 11.00 horas e terá un percorrido de 10 quilómetros que sairá da rúa Principal e pasará pola avenida de Compostela ata praia Xardín; percorrerá o paseo marítimo ata o Saltiño; chegará ata a pedra da Bouza, Triñans e Mañóns e regresará a Boiro pola estrada de Abanqueiro e o núcleo da Boliña ata a rotonda de Espiñeira e meta na rúa peonil.

Ás 11.05 horas terá a súa saída a carreira de escolares de 2.500 metros que terá a saída na rúa Principal, percorrerá a av. da Constitución ata a rotonda de Abanqueiro e chegará á meta na rúa peonil. As carreiras mini e supermini farán un percorrido de 200 metros pola rúa peonil.

A entrega de premios terá lugar na praza de Galicia, onde se outorgarán trofeos aos tres primeiros clasificados de cada categoría, así como para os tres gañadores absolutos nas categorías feminina e masculina. Premiaranse tamén aos tres primeiros corredores e tres primeiras corredoras empadroados en Boiro, ao participante de maior idade e haberá premios para a clasificación de Sapatilla Inclusiva.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.