O Concello de Ribeira informou este mércores 29 de novembro dunha importante incidencia no termo municipal, concretamente nas contornas de Aguiño, O Vilar, Carreira, A Mámoa, Cubeliños (Santa Uxía), o Polígono de Xarás, Couso, San Alberto (FRINSA) e a A Fieteira, todas elas zonas e núcleos que durante boa parte da xornada de hoxe permanecerán sen servizo de auga. Isto, segundo confirmou o Executivo local, foi debido a unha incidencia por obras dunha empresa externa ao Concello. A media mañá o Goberno local puntualizou que as parroquias de Carreira e Aguiño, as fábricas de Couso e parte do Polígono Industrial de Xarás “quedarán sen auga 8 horas aproximadamente pola rotura dunha tubaxe da liña xeral de abastecemento”.
