O equipo de Goberno local de Ribeira mantivo este martes 28 de novembro unha reunión coa veciñanza na Casa da Cultura de
Castiñeiras na que se abordaron distintos temas que afectan aos residentes da parroquia. Durante o encontro abordáronse cuestións relativas ás infraestrutura e os servizos públicos, á accesibilidade, ás prazas de estacionamento e a outros asuntos que impactan de xeito directo na calidade de vida da veciñanza.
O Executivo lembrou que está a realizar reunións en tódalas parroquias co propósito de fortalecer a participación cidadá e fomentar a transparencia na xestión municipal. “Esta interacción directa permítenos unha comprensión máis profunda das necesidades específicas de cada parroquia” explicou o alcalde Luís Pérez, que engadiu que estas sesións de participación cidadá “serven como canles de comunicación moi efectivas de cara a unha gobernanza máis inclusiva e orientada ás necesidades reais
da veciñanza”.
Os veciños e veciñas que asistiron ao encontro expresaron as súas inquietudes, suxestións e propostas. Os representantes do Goberno tomaron nota de tódolos asuntos expostos e comprometéronse a seguir traballando en conxunto coa comunidade.
