Ribeira concentrouse por un transporte público digno

26 Novembro 2023

Ao redor de cen persoas concentraronse este domingo na praza do Concello de Ribeira para demandar á Xunta as medidas adecuadas para contar cun servizo público digno de transporte de autobuses. A plataforma recentemente constituída para loitar por este obxectivo encargouse de organizar a protesta, na cal catro persoas tomaron a palabra para ler un manifesto no que enumeraron todas as deficiencias que sofren a diario: “Queremos saber onde están as paradas, porque en moitas delas non hai nin sinalización. Queremos que se cumpran os horarios e que sexan visibles”, explicaron, ao mesmo tempo que demandaron máis autobuses e suficientes prazas para satisfacer a demanda existente, de maneira que ninguén teña que viaxar de pé. “Queremos que haxa máis frecuencias de autobuses, especialmente nalgunhas parroquias, e unha mellor coordinación dos horarios”.

A continuación, varios usuarios tomaron a palabra, relatando os seus problemas co transporte público, cuxo incumprimento dos horarios levoulles a perder citas médicas, chegar tarde ao traballo ou ter que levar aos seus fillos aos colexios e institutos porque o autobús non chegaba. Incluso a responsable dunha empresa de turismo explicou que tivo que facer de taxista para os seus clientes, xa que non había frecuencias para que puidesen desprazarse a varios puntos da comarca.

Na concentración participaron representantes de varios colectivos de Ribeira, como Mulleres en Loita, así como de asociacións de pais de alumnos. Tamén houbo representación institucional, xa que o evento contou coa participación do alcalde de Ribeira, Luís Pérez Barral, e do resto dos membros do equipo de goberno, así como do alcalde da Pobra, José Carlos Vidal, e os deputados nacionalistas Rosana Pérez e Paulo Ríos.

Fotos: Cambiemos Ribeira

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.