A compañía Sarabela Teatro representa este venres en Boiro a súa versión do libro de relatos Made in Galiza, de Sechu Sendo. Será ás 21.00 horas na Casa da Cultura de Boiro. Trátase dun espectáculo para público adulto. A venda de entradas estará operativa na billeteira dende unha hora antes da función.
A obra está protagonizada por uns avós que non se entenden coa súa propia familia porque falan en distintos idiomas. Trátase dunha adaptación do libro de Sechu Sende que abre as portas ao humor reflexivo e á poesía, tornando temas complexos en experiencias accesíbeis para todo o mundo.
Segundo se explica en Culturactiva.org, Made in Galiza “podemos topar un mosaico de lugares tan diversos como unha oficina de palabras perdidas, unha empresa que fabrica palabras, un manual de instrucións, unha palabra común”.
O vindeiro 2 de decembro Sarabela recalará en Rianxo, no Auditorio Municipal, para representar a mesma peza.
