O Concello de Boiro participa nunha nova edición da Campaña da Neve da Deputación da Coruña, unha actividade destinada a rapaces e rapazas da provincia de entre 11 e 15 anos. As datas para Boiro serán entre o 2 e o 5 de febreiro e as inscricións para participar estarán abertas ata o 1 de decembro.
Segundo explica o Concello, as persoas participantes gozarían de catro días na estación invernal de Valgrande-Pajares. O prezo da viaxe será de 85 euros e contará con transporte, estadía, monitores, clases de esquí, seguros, alugamento de material e todo o gasto que ocasionen as actividades e cursos programados. Ademais dos cursos de esquí haberá actividades complementarias ou alternativas
O prazo de presentación de solicitudes está xa aberto e pode facerse ata o 1 de decembro presentando o modelo de inscrición dispoñíbel na web municipal mediante o Rexistro Xeral do Concello de Boiro. A participación resolverase mediante concurso público e as persoas seleccionadas deberán formalizar a inscrición efectuando o pago e aportando a documentación complementaria necesaria.
Máis información sobre a Campaña da Neve 2024 no Departamento de Deportes do Concello de Boiro ou en Cultura e Deportes da Deputación da Coruña.
