Barbanza Arousa expón o seu modelo de gobernanza turística no encontro internacional “Sustentabilidade, turismo e innovación”

09 Novembro 2023

A Mancomunidade Barbanza Arousa participa hoxe e mañá no evento “Sustentabilidade, turismo e innovación” xunto con outras administracións nacionais e internacionais que levan a cabo diferentes proxectos de referencia en sustentabilidade e innovación.

Neste encontro, Fátima Cachafeiro, xerente da Mancomunidade, formará parte dunha mesa redonda, na que exporá o modelo de gobernanza turística que se está a levar a cabo na entidade e que é clave para o desenvolvemento turístico do destino.

Tratará os ambiciosos obxectivos do ente entre os que destacan a desestacionalización, o incremento da pegada económica por turismo e o posicionamento como destino enogastronómico e xacobeo de referencia. Asemade, exporá a estratexia para a consecución dos mesmos, baseada na colaboración público-privada, dando voz aos axentes do sector para o seguimento dos proxectos, así como a definición e execución de actuacións de forma cooperativa. Exemplos coma as mesas de traballo para a elaboración da estratexia para concurrir ao Plan de Sustentabilidade Turística ou a implantación de distintivos de calidade son algunhas das iniciativas levadas a cabo neste senso.

Outros artigos

Publicidade

Revista en papel

Opinión

“Xuíces e autos xudiciais” – José Manuel Pena

“Xuíces e autos xudiciais” – José Manuel Pena

Hai bos xuíces, profesionais e valentes que cumpren coas súas obrigas. Un deles, sen dúbida, é Borja Pérez, titular do Xulgado Número 2 de Ribeira. Dita un auto xudicial polo cal suspende o lanzamento dunha familia vulnerable de Ribeira, en aplicación do novo RDL...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.