A comunidade galega situarase nesta xornada do sábado 7, San Ernesto, baixo a influencia directa dunha borrasca emprazada ao oeste da península Ibérica, o que provocará unha xornada de tempo desapracible e dominado pola inestabilidade.
Ao longo de todo o día os ceos permanecerán moi cubertos en todo o territorio. A nubosidade virá acompañada de precipitacións que, en liñas xerais, terán un carácter feble e intermitente.
No tocante ás temperaturas, a densa capa de nubes evitará o arrefriamento nocturno, provocando unha subida notable das mínimas tanto na franxa costeira como no interior. Pola súa parte, os valores máximos experimentarán lixeiros ascensos nas horas centrais.
O réxime de ventos manterase de compoñente sur, soprando de xeito frouxo nas comarcas do interior pero rexistrando intervalos de intensidade moderada nas zonas costeiras e no mar aberto.
O noso mar; Vento do sur á mañá e á tarde e do sueste á noite, forza 3 a 5 á mañá, 2 a 4 á tarde e 1 a 3 á noite. Marusía á mañá e á tarde e mar ovellado á noite. Visibilidade mala á mañá, regular á tarde e boa á noite. Mar de fondo do noroeste, con ondas de 0 a 1 metros.
