O BNG de Dodro recolleu ás solicitudes da veciñanza das aldeas máis afastadas do Consistorio para sinalizar en horizontal as vías de Bustelo, A Devesa, Teaio, Pexegueiro, Traxeito, Paizal e O Rialiño. 
Ante a aprobación dos plans de obras da Deputación da Coruña, o BNG rexistrou o pasado 10 de outubro unha solicitude para que o Goberno local inclúa unha partida destinada a esas peticións veciñais. 
“De momento o Plan Único da deputación achegáralle a Dodro 401.122,95 €”, explicou o BNG no seu comunicado, no cal o portavoz da agrupación nacionalista, Xoán Bautista Mariño, insiste ao Executivo do PSOE (en minoría) sobre a a urxencia de “ir repoñendo os números, nomes de rúas e prazas xunto con outros indicadores do concello por estaren en mal estado”. Para o cal o BNG indica ao Goberno a necesidade de “recorrer a todas as administracións públicas coa finalidade de mellorar a sinalización municipal tan necesaria e deteriorada polo paso do tempo como se comprometeu o alcalde no último pleno”.
