Porto do Son vai ser estes días, en diferentes localizacións e con motivo dos festexos de Samaín (Halloween), un fervedoiro de quedadas e celebracións terroríficas.
Así, ademais da cita estarrecedora que prepara para o domingo 28 a Asociación de Empresarios de Portosín (AEP), a Ludoteca Municipal de Porto do Son celebrará unha quedada previa: unha Noite de Medo.
Será o sábado 27 de outubro no Polideportivo de Santa Irene, e incluirá velada e acampada dende as 21:30h ata as 10.00h da mañá seguinte, domingo. Trátase dunha actividade para mozas e mozos de entre 12 e 15 anos, ou sexa, para rapaces nados entre os anos 2008 e 2011.
As inscricións cómpre facelas na Ludoteca Municipal entre o martes 24 (hoxe) e o venres 27 pola mañá. Máis información na Ludoteca a través do 698 197 909.
