Este domingo o Campo Municipal de Fútbol de Vilas (Rianxo) vai acoller un encontro solidario en apoio do pobo saharauí e, máis concretamente, en apoio da asociación SOGAPS (Solidariedade Galega co Pobo Saharauí), coa que colabora regularmente o Concello e a cidadanía de Rianxo, principalmente a través da iniciativa Vacacións en Paz (que permite que nenas e nenos que viven nos campamentos de persoas desprazadas de Tinduf, no deserto de Alxeria, a 50 graos de temperatura durante a época estival, poidan pasar o verán con familias de Rianxo). O partido enfrontará ao Club Deportivo Unión de Asados (Rianxo) co CF Dumbría. Será a partir das 17.30. Todo o recadado na billeteira a través das entradas solidarias irá destinado a fortalecer e apoiar o labor de SOGAPS.
