A festa non remata na nosa comarca en setembro: prolóngase de feito, até ben avanzado o mes. Quen queira conmemorar o remate do verán ten en Laíño (Dodro) unha boa oportunidade para facelo, concretamente coas Festas da Virxe do Leite, que se celebran dende este sábado 9 prolongándose até mañá martes.
A axenda deste luns (festivo local na honra de San Roque) comeza a primeira hora da mañá co grupo de gaitas Os Mersenarios e segue cunha misa rezada ás 10.00 e unha misa solemne ás 13.00 horas. Logo está prevista unha sesión vermú coa Orquestra Trébol. A verbena nocturna virá da man (novamente) de Trébol e o Grupo América de Vigo.
O martes, día adicado a Santa Lucía, comeza unha vez máis coa contribución musical de Os Mersenarios. Logo da misa rezada das 10.00 horas e da misa solemne das 13.00 horas, haberá unha sesión vermú co Dúo Óbice Capital. A verbena terá como protagonistas aos Satélites e a París de Noia.
