O Concello de Porto do Son vai organizar a partir de outubro un obradoiro de memoria para persoas maiores, destinado a fomentar a calidade de vida entre a poboación sénior do termo municipal e fomentar hábitos de envellecemento saudábel e activo. A actividade vai destinada a persoas maiores de 55 anos. Segundo confirmou o Concello, malia comezar en outubro as inscricións estarán abertas ao longo de todo o ano, con horarios e espazos adaptábeis en función da demanda.
Para máis información cómpre acudir á Concellería de Benestar Social ou chamar ao 981 86 74 14. As sesións serán os mércores en Porto do Son (en horario de 10.00 a 11.00 e de 11.00 a 12.00 horas) e en San Pedro (9.30), Xuño (10.30) e Caamaño (11.30).
