A rapazada participante no Campamento Concilia de Verán 2023 do Concello de Boiro participa en charlas sobre a reciclaxe. O obxectivo destas sesións é trasladar aos nenos e nenas a importancia da reciclaxe e de separar correctamente os residuos.
As charlas que se están a levar a cabo están dirixidas aos rapaces e rapazas de entre 6 e 12 anos que participan nos campamentos de Boiro, Cespón, Abanqueiro e Cabo de Cruz.
Esta actividade formativa está especialmente enfocada na implantación do quinto contedor marrón de materia orgánica, así como o coñecemento dos puntos limpos móbiles. A sesión consta dunha charla e un posterior xogo para recordar a importancia da reciclaxe e aprender a separar correctamente a materia orgánica no novo contedor.
