O alcalde, José Ramón Romero, e mais membros do Goberno local, visitaron este xoves 8 de outubro a parroquia de Bealo no marco dos encontros veciñais Un café co alcalde para dar conta dos traballos realizados dende a última xuntanza e escoitar as demandas da veciñanza.
Estes encontros teñen como finalidade ter un contacto máis directo coa cidadanía e dar a oportunidade aos veciños e veciñas de que trasladen as súas peticións e demandas sen necesidade de ter que desprazarse ao Concello. Estas xuntanzas pretenden servir como complemento das xuntanzas veciñais que o alcalde e demais concelleiros e concelleiras manteñen semanalmente de xeito individual.
O próximo encontro será na parroquia de Abanqueiro, no Centro Social, o vindeiro xoves 15 de outubro ás 20.00 horas.
