A contadora, escritora e actriz Raquel Queizás estará este venres 4 de agosto en Boiro, ao abeiro do seu programa de actividades Cambio e Conto. Queizás acudirá á nosa comarca con Desafógate: unha aventura acuática. Será ás 12.00 horas no Centro Social de Abanqueiro. Trátase dun espectáculo de contacontos para público infantil e familiar.
Desafógate é unha proposta dirixida a nenos e nenas de entre 4 e 8 anos e aos seus proxenitores, que busca fomentar a prevención do afogamento infantil e as condutas seguras no medio acuático. Faino a través dunha obra de teatro dirixida e interpretada pola actriz e contadora Raquel Queizás, complementada por un obradoiro para aprender a realizar as manobras de reanimación cardiopulmonar.
