A Comisión de Pesca larga aparellos para evitar excesos de pesca que, segundo a UE, prexudican as expectativas de futuro dun sector fundamental en distintas rexións comunitarias, entre estas Galicia. E os armadores, obviamente, tentan dar resposta ao desafío dos obrigados descartes. E Galicia, concretamente os armadores do porto de Vigo (ARVI) semellan ter a resposta axeitada. Esta vai ser probada definitivamente nos vindeiros días grazas a un barco de pesca da frota de ARVI que, durante varias mareas, irá compactando separadamente a súas capturas de especies como, entre outras, o xurelo ou a pescada, cumprindo deste xeito a normativa nesa materia de descartes que obriga a toda a frota pesqueira, especialmente á comunitaria, a descargar nos portos as especies sometidas a TAC e cotas, cuestión que dificulta o desenvolvemento da actividade pesqueira.
As especies capturadas e subprodutos que non poden ser comercializados para consumo humano deben ser almacenados nas bodegas dos barcos após a súa captura, ocupando o espazo dispoñible para a comercialización das mesmas,
Con estas premisas naceu ABASAP (Acondicionamento a bordo e aproveitamento dos subprodutos da actividade pesqueira) co que ARVI e ANFACO-CECOPESCA deseñaron un prototipo de compactación que permite reducir ao máximo o volume dos descartes e subprodutos de diferentes especies.
Agora, das probas de mar a levar a cabo irase probando a compactación das capturas e o funcionamento da máquina, así como as posibles milloras do deseño de cara ao futuro, e poder imprantar o prototipo a toda a frota.
Ao mesmo tempo estudarán como valorizar os descartes obtidos grazas a ese prototipo , converténdoos en produtos cun alto valor engadido froito dun longo proceso de fermentación para acadar resultados con diferentes salsas de peixe de uso cotián na cociña e que son moi valoradas no mercado asiático e, cada vez máis, en Europa, onde existe un importante interese emerxente deste tipo de produto.
O sector pesqueiro evidencia deste xeito a súa capacidade de adaptación ás condicións que veñen impostas, algo que xa demostrou en numerosas ocasións.
Neste momento, facendo do peixe que non pode oficialmente levar a bordo salsas de ampla demanda nos mercados mundiais e que, antes de o guindar morto ao mar, tritura e converte en salsas que adoban outras producións culinarias.
