Portosín celebrou este domingo a última xornada das festas dedicadas á Virxe do Carmen que organiza a confraría. Pola mañá tivo lugar a misa, precedida dunha vistosa e concorrida procesión terrestre na que levou a imaxe da patroa dos mariñeiros desde a igrexa ata a carpa instalada no porto.
Entre os asistentes aos actos figuran o conselleiro de Mar, Alfonso Villares, acompañado da súa antecesora, Rosa Quintana. Á misa da mañá tamén asistiu Susana Rodríguez, responsable de Desenvolvemento Pesqueiro. En representación das confrarías acudiron o presidente galego, José Pérez, o nacional, Basilio Otero, e os patróns maiores de Lira, José Mariano Lago; Porto do Son, Emilio Queiruga; e Aguiño, José Santamaría. Tampouco faltaron o alcalde de Porto do Son, Luís Oujo, nin outros concelleiros da corporación municipal.
O barco encargado de levar a imaxe da patroa pola ría é o Maruxía, de Manuel Ventoso. Os asistentes tributarán o recoñecemento aos falecidos no mar.
