A Área de Cultura do Concello de Rianxo compartiu a axenda de actividades para esta terceira fin de semana do mes, un completo programa de propostas composto por iniciativas impulsadas dende o Concello e, tamén, dende as entidades culturais con base en Rianxo. Cómpre destacar varias novidades na axenda motivadas polas condicións meteorolóxicas previstas para a noite deste venres, que obrigaron ao departamento de Cultura a adiar dúas actividades:
* PROXECCIÓN DO FILME “Nocturna, unha aventura máxica” prevista para hoxe XOVES 17, nas Pistas Exteriores do Centro Cultural de Leiro
* Concerto do grupo OS JOHN DEERES, previsto para o VENRES 18, na Praza de Rafael Dieste. En breve anunciarase nova data.
PROGRAMACIÓN:
SÁBADO 19 DE AGOSTO
- 22:00 h. Praza de Rafael Dieste (Rianxo). Música na noite. THE LÁKAZANS (R&B, soul, ..) Concerto ao abeiro da programación de Cultura no Camiño 2023 da Xunta de Galicia. No caso de climatoloxía adversa trasladarase ao Auditorio de Rianxo.
SÁBADO 19 E DOMINGO 20 DE AGOSTO – FESTAS DE ISORNA. Programa diverso de actividades: Pasarrúas, Festa Infantil, verbena, Concerto da Banda da Escola de Música de Rianxo, ….. Achégase cartel
VENRES 25 DE AGOSTO
- 20:00 h. Porto de Taragoña – SÉS EN CONCERTO. Concerto no marco do programa PAISAXES SONORAS, promovido pola Mancomunidade Barbanzarousa.
VENRES 25 DE AGOSTO
- 21:00 h. Auditorio de Rianxo – Apertura da exposición XOIAS DO CEO e posterior OBSERVACIÓN ASTRONÓMICA Actividade organizada en colaboracion co Observatorio Astronómico Ramón María Aller da Universidade de Santiago de Compostela. Máis información
Máis información no sitio web do Concello de Rianxo.
