O Concello de Boiro a través da área de Turismo, programou visitas guiadas aos muíños de Goiáns. Celebraranse todos os xoves. As prazas das visitas son limitadas, polo que se require inscrición previa na Oficina de Turismo de Boiro.
O obxectivo destas visitas é “dar a coñecer o patrimonio cultural do municipio e o funcionamento dun muíño de río”. Na zona de Goiáns, engade o Concello, consérvanse en bo estado tres muíños, dous deles abertos aos visitantes, e neles pódese ver as rodas de pedra que servían para moer o gran e facer fariña.
As visitas vanse realizar durante o verán os xoves, en horario de 11.00 a 12.00 horas. Os grupos son reducidos e requírese reserva para a visita, que se pode facer de xeito presencial na Oficina de Turismo de Boiro ou mediante o 981 84 26 54.
