O mercadiño semanal que cada martes de celebra en Boiro regresa á avenida da Constitución, polo que o traslado de tódolos postos está previsto para mañá, despois de que esta tarde se proceda á asignación dos espazos na nova localización. Ademais, o alcalde do municipio, José Ramón Romero, visitará o emprazamento ás 12.30 horas.
Segundo manifestan desde o Concello, unha vez feito público o cambio, chegaron numerosas solicitudes de postos para instalarse na nova localización e tamén dos xa existentes para ampliar metros. Neste senso, efectuarase unha nova distribución mantendo os postos tal e como estaban para darlle prioridade á antigüidade, e, de seguido, comezaranse a situar os novos postos nos espazos que queden libres.
Así mesmo, o mercadiño realizarase tamén durante as datas do Nadal, tanto o 24 coma o 31 de decembro, coa intención de impulsar o cambio de localización, especialmente nesta época.
