A Concellaría de Deportes e Promoción da Saúde, dentro do programa de Andainas Saudábeis, organiza para este mes de xullo un percorrido pola cuarta etapa do camiño de Santiago dende o Barbanza, A orixe. A ruta realizarase o sábado 1 de xullo. Os participantes camiñarán arredor de 14 quilómetros, partindo dende a Pobra do Caramiñal e chegando ata Porto de Cabo de Cruz.
As persoas interesados en participar poden inscribirse cubrindo este formulario ata o mércores, día 28, ás 14:00 horas. Haberá servizo de autobuses dende a praza do Concello, en Bertamiráns, ás 9:00 horas; e dende a Casa da Cultura do Milladoiro, ás 9:15 horas.
Como dixemos, trátase da cuarta etapa do Camiño de Santiago dende o Barbanza (A Orixe), un recorrido de 120 quilómetros que parte dende o Faro de Corrubedo e pasa por diversos lugares da ría de Arousa, atravesando cidades e pobos costeiros como Ribeira, A Pobra do Caramiñal, Boiro e Rianxo ata enlazar co Camiño Portugués ao chegar a Padrón.
Hai 70 prazas dispoñíbeis, e as persoas interesadas en anotarse poden facelo ata o mércores, 28 de xuño, ás 14:00 horas, cubrindo o formulario ao que se pode acceder a través desta ligazón ou mediante o código QR do cartaz na web municipal.
Ofrecerase servizo de autobús dende a praza do Concello de Bertamiráns (ás 9:00 horas) e dende a Casa da Cultura do Milladoiro (ás 9:15 horas). Debido á alta demanda en anteriores andainas, terán prioridade as persoas empadroadas en Ames. Recoméndase levar roupa e calzado axeitados.
Ruta da cuarta etapa do Camiño
A cuarta etapa de A orixe comeza na igrexa de Santiago do Deán, onde se rematou a anterior andaina, para pasar polos pazos de Aguiar e do Couto. Saíndo da zona urbana e adentrándose na área rural, os paseantes cruzarán o río Pedras e o río Lerez. Posteriormente, sairán á estrada e poderán visualizar o pazo e a capela da Mercede.
Uns quilómetros máis adiante chégase ao porto de Escarabote. Tras ver a igrexa de Santiago do Lampón, pásase ao concello de Boiro. Os participantes atravesarán o casco urbano para seguir baixando cara ao pase marítimo que bordea a praia de Barraña.
Xa ao final do areal, pásase polo peirao da Telleira, e séguese avanzando ata a praia de Esteiro. Finalmente, éntrase no porto de Cabo de Cruz, pasando xunto ao porto deportivo e o antigo porto de pescadores.
